Skip to content

Mol IS

Soláthraíonn an Mol IS seo faisnéis agus acmhainní maidir leis an intleacht shaorga agus mar a rachadh sí chun sochair agus a thacódh sí le húsáideoirí, chomh maith le faisnéis ar na srianta agus na hábhair imní atá ann faoi láthair maidir lena húsáid.

Intleacht Shaorga (IS)

Is éard atá i gceist leis an Intleacht Shaorga (IS) ná forbairt na gcóras ríomhaireachta ar féidir leo tabhairt faoi thascanna a mbíonn intleacht dhaonna ag teastáil uathu de ghnáth. Baineann cruthú algartam léi – liosta rialacha nó céimeanna – a úsáideann an ríomhaire chun anailís a dhéanamh ar, tuiscint a fháil ar, agus freagairt d’fhaisnéis.

Fad is gur féidir le córais IS líon mór sonraí a phróiseáil agus anailís a dhéanamh orthu chun patrúin a aithint agus tuartha a dhéanamh, ní féidir leo smaoineamh agus an comhthéacs a thuiscint cosúil le daoine.

Tá IS thart ó na 1950idí i leith agus tá forbairt tagtha uirthi thar na blianta, ach tá dul chun cinn sciobtha, suntasach déanta uirthi le blianta beaga anuas.

What is the impact?

Is cuid lárnach de thascanna laethúla í an IS le tamall anuas. Baineann cúntóirí fíorúla amhail Siri, Alexa, agus Google Assistant leas as an IS chun ár n-orduithe ó bhéal a thuiscint agus freagra a thabhairt orthu; algartaim IS is cúis le córais moltaí ar ardáin amhail Netflix, Amazon, agus YouTube; baineann ardáin na meán sóisialta leas as algartaim IS chun d’fhotha nuachta a choimeád, ag taispeáint ábhair duit bunaithe ar do chuid suimeanna, do rannpháirtíocht, agus do chaidrimh; agus baineann córais mhapála amhail Google Maps úsáid as an IS chun uasdátuithe fíor-ama a thabhairt faoin trácht.

Tá forbairt sciobtha ag teacht ar IS, le forbairtí nua agus feidhmchláir á gcruthú a d’fhéadfadh tionchar a bheith acu ar ár saol. Cruthaíonn sé seo deiseanna nua, ach ábhar imní freisin maidir le conas is féidir aghaidh a thabhairt ar an saol ar líne go sábháilte agus go heiticiúil.

Buntáistí

Is féidir léi freagraí a thabhairt atá curtha in oiriúint duitse

Is féidir léi líon mór sonraí a phróiseáil

Is féidir léi cabhrú le giniúint smaointe

Is féidir léi éifeachtúlacht a fheabhsú

Is féidir léi cabhrú leis an taighde agus leis an nuálaíocht

What are the limitations of AI?

D’fhéadfadh freagraí a bheith claonta, míchruinn nó dochrach

Ní mór an fhaisnéis a sheiceáil

D’fhéadfadh dúshláin nua teacht aníos

Príobháideachas sonraí agus slándáil sonraí

Imní eiticiúil maidir lena húsáid

AI in Education

Tá córais agus uirlisí Intleachta Saorga mar chuid dár saol laethúil cheana féin. De réir mar a thagann forbairt ar an IS, ní mór a bheith ar an eolas faoi na buntáistí agus an baol a d’fhéadfadh a bheith ag baint léi don teagasc agus don fhoghlaim.

D’fhéadfadh an teicneolaíocht seo an t-oideachas a athrú ó bhonn, dá bhrí sin ní mór d’oideoirí agus do scoláirí tuiscint a chothú ar conas dul i ngleic leis an IS go heiticiúil, go criticiúil agus go dearfach, ar mhaithe leis an leas is fearr a bhaint aisti. Ní mór a lua gur féidir leis an IS cur le saineolas an mhúinteora, ach nach féidir léi teacht in áit shaineolas an mhúinteora. Beidh an ghné dhaonna a thugann an múinteoir isteach sa seomra ranga fós ríthábhachtach chun taithí fhiúntach foghlama a chothú.

Considerations for Schools

Explainer Guides

Guest Article: AI Explained – what is AI?’

Le 3 bliana anuas chonacthas forbairtí san IS a chuireann ag smaoineamh muid in athuair faoi cad is IS ann, agus faoin tionchar a bheidh aici ar an tsochaí, ar an oideachas, agus ar thodhchaí na hoibre.

Explained – What is ChatGPT?’

Is bota comhrá cumhachtach intleachta saorga é ChatGPT de chuid OpenAI is féidir ceisteanna a fhreagairt, comhráite a bheith aige i dtéacsanna, agus freagra a ghineadh ar iarratais úsáideoirí.

Explained – What is Snapchat’s MyAI?

Dar le Snapchat, is ionann My AI Snapchat agus bota comhrá turgnamhach, cairdiúil atá ar fáil faoi láthair do lucht comhrá Snapchat.

Casting the Net – What do teens need to know about ChatGPT and AI?

San eagrán seo de Casting the Net, labhraíonn Emma, ball d’Ógphainéal Webwise, leis an Iriseoir Eolaíochta agus Teicneolaíochta Elaine Burke.

Explained: What are Deepfakes?

Físeáin bhréige iad Físeáin Dhomhainbhrionnaithe a chruthaítear le ríomhairí ina nasctar íomhánna chun físeán nua a chruthú ina dtaispeántar imeachtaí, ráitis nó gníomh nár tharla in aon chor.

You are what you like… The influence of online algorithms

Ar thug tú faoi deara nuair a théann tú ar líne nó nuair a logálann tú isteach ar na meáin shóisialta go gcuirtear ábhar, nuacht, ailt nó fógraí os do chomhair a léiríonn tuiscint, ar bhealach éigin, ar na rudaí a bhfuil suim agat iontu?

Explained: Common AI Terms

Sa ghluais intleachta saorga seo, tugtar míniú gairid ar na téarmaí intleachta saorga a úsáidtear go minic.

Resources

Artificial Intelligence in Schools

Cad is Intleacht Shaorga (IS) ann? Cad iad na rudaí ar gá breithniú orthu maidir le húsáid na IS i mbunscoileanna agus in iar-bhunscoileanna? Conas a nascaim IS leis an bpróiseas pleanála FD?

AI for Schools – New Oide Technology in Education Online Course

Sa réamhchúrsa ar líne seo, cothaítear tuiscint i measc múinteoirí agus ceannairí scoile ar IS. Pléitear ann ábhair mhachnaimh do scoileanna maidir leis an IS a úsáid chun críche oideachais, lena n-áirítear na buntáistí, na srianta agus na ceisteanna eiticiúla a d’fhéadfadh a bheith ag baint léi. Cláraigh anseo.

AI in Education: Innovations, Opportunities and Ethical Perspectives

Déantar iniúchadh sa seimineár gréasáin seo ar an ról forleathan atá ag an Intleacht Shaorga (IS) inár saol laethúil agus ar an úsáid a d’fhéadfaí baint aisti san oideachas.

Persuasive Design Lesson

Chun cur leis an bhfeasacht ar an méid ama a chaithimid ar ghléasanna digiteacha agus chun smaoineamh ar bhealaí eile lenár gcuid ama a chaitheamh.

Facial Recognition Lesson

Tá sé mar aidhm ag an gceacht seo cur leis an bhfeasacht ar thionchar na teicneolaíochta aghaidh-aitheanta agus na buntáistí agus an baol a bhaineann léi.

Connected – Module 2: News, Information and the Problems of False Information

Déantar imscrúdú sa mhodúl seo ar úsáid fhreagrach agus eiticiúil na meán agus déantar iniúchadh ar chineálacha difriúla mífhaisnéise.

All Aboard for DigiTown – Activity 24: Understanding Facial Recognition

Cabhróidh an ghníomhaíocht seo le páistí idir 9 agus 12 bhliain d’aois tuiscint a shaothrú ar thionchar na hintleachta saorga agus ar an tábhacht a bhaineann le breithiúnas criticiúil a thabhairt ar fheidhmchláir theicniúla; an teicneolaíocht dhigiteach a aithint in uirlisí agus réada a úsaidtear go laethúil; machnamh a dhéanamh ar chleachtais shóisialta agus ar ghnásanna sóisialta; anailís a dhéanamh ar fhaisnéis agus ar réasúnaíocht chun tuairim a chur in iúl.

Connected – Module 3: Big Data and the Data Economy

Sa mhodúl seo cuirtear an topaic a bhaineann le holltiomsú sonraí i láthair an scoláire agus tugtar deis iniúchadh a dhéanamh ar an gcaoi a n-oibríonn an geilleagar sonraí. Tá sé mar aidhm leis an modúl seo iniúchadh a dhéanamh ar an gcaoi agus ar an gcúis a n-úsáideann cuideachtaí ar líne faisnéis phearsanta, agus ar na buntáistí a chruthaítear léi agus déanfar úsáid eiticiúil na faisnéise sin ar mhaithe le brabús a dhéanamh a mheas

Artificial Intelligence – 5 Considerations for Teachers

Tugtar breac-chuntas sa ghrafaic úsáideach eolais seo ar roinnt ábhar machnaimh do mhúinteoirí maidir le húsáid IS.

Other Resources

AI in Education Survey

Sa suirbhé seo maidir leis an IS san Oideachas, tugtar léargas ar an leas a bhaineann múinteoirí as IS agus déantar iniúchadh ar conas is féidir leis an IS tacú leis an teagasc go héifeachtach. Déanta ag Ionad d’Idirlíon Níos Sábhailte na Gréige de chuid FORTH i gcomhar le hIonad d’Idirlíon Níos Sábhailte na hUngáire, na hÉireann, na Laitvia, agus na hAirméine, agus le tacaíocht ó Líonra Eorpach na nIonad d’Idirlíon Níos Sábhailte, Insafe, léiríonn sé iarracht shuntasach idirnáisiúnta.

Ethical Guidelines on the Use of AI and Data in Teaching and Learning for Educators

D’fhoilsigh Coimisiún na hEorpa treoirlínte chun aghaidh a thabhairt ar an gcaoi a n-úsáidtear IS ar scoil, chun tacú le múinteoirí agus le scoláirí ina gcuid teagaisc agus foghlama, agus chun tacú le tascanna riaracháin i suíomhanna oideachais.

AI in My Life

Tá an Intleacht Shaorga (IS) ar cheann de na nuálaíochtaí is bunathraithí lenár linn. Cé go mbaineann buntáistí suntasacha leis an IS do dhaoine agus don tsochaí, tá impleachtaí móra ag baint léi don phríobháideachas, don eitic agus don tslándáil.
Reáchtálann an tIonad ADAPT clár modúlach ceardlainne saor in aisce chun cabhrú le scoláirí na hIdirbhliana dul i ngleic leis an Ré IS go rathúil agus go sábháilte.

Everywhere, all the time

Idirghabháil um Litearthacht Dhigiteach a chothóidh comhráite tábhachtacha faoin teicneolaíocht, faoin IS agus faoin tionchar atá acu. Arna forbairt ag togra óige Tactical Tech What the Future Wants, cuireann an taithí foghlama seo sraith acmhainní agus modhanna spreagthacha, nuálacha sa litearthacht dhigiteach ar fáil d’oideoirí, do leabharlannaithe agus d’aon duine a bhíonn ag obair le daoine óga idir 13-19 mbliana d’aois ar féidir iad a úsáid i suíomhanna foirmiúla agus neamhfhoirmiúla foghlama araon.